بەڕێوەبەرایەتیی گشتیی حەج و عومرەی هەرێمی کوردستان ئاگادارییەک ئاراستەی ئەو کەسانە دەکات کە بەنیازی ناونووسینن بۆ حەجی ساڵی داهاتوو، رایگەیاندووە کە سەردانی بەڕێوەبەرایەتییەکان نەکەن.
لە راگەیەندراوێکدا بەڕێوەبەرایەتیی حەج و عومرەی سەربە وەزارەتی ئەوقاف و کاروباری ئایینیی هەرێمی کوردستان ئاشکرایکردووە، “هاوڵاتییان ئاگادار دەکەینەوە لە ئێستادا سەردانی نووسینگەکانی حەج و عومرەی پارێزگا و ئیدارە سەربەخۆکان نەکەن”.
ئاماژە بەوە دەکات، هۆکاری راگرتنی ناونووسین بۆ رێکارە کارگێڕییەکان دەگەڕێتەوە و لە ماوەیەکی نزیکدا دوای تەواوبوونی رێکارەکان ناونووسین رادەگەیەنن.
