کۆمسیۆنی باڵای سەربەخۆی هەڵبژاردنەکانی عێراق بڕیاریدا ژمارە 56 لە لیستی هەڵبژاردنەکانی ئەنجومەنی پارێزگاکان رەتبکاتەوە.
میدیا عێراقییەکان لە زاری بەرپرسانی کۆمسیۆنی هەڵبژاردنەکانەوە بڵاویانکردەوە، “بڕیاردراوە 56 لە ریزبەندی لیستی هەڵبژادنی ئەنجومەنی پارێزگاکان بهێنێتە دەرەوە، چونکە ئەو ژمارەیە پەیوەندی بە ماددەی ساختەکارییەوە هەیە بەپێی یاسای عێراقی بۆ ئەوەی ئەو لایەنەی ئەو ژمارەیەی پێدەدرێت نەکرێتە ئامانج”.
تا کۆتایی دەوامی رۆژی شەممە ژمارەی کاندیدانی هەڵبژاردنی ئەنجومەنی پارێزگاکان گەیشتووەتە 348 کاندید، 942 هەزار و 406 کەس ناویان لە لیستی تۆماری دەنگدەران نوێکردووەتەوە، کە سێ هەزار و 331 کەسیان ئاوارەن.
هەربەپێی ئامارەکانی کۆمسیۆن تا ئێستا 99 هەزار و 308 کەس لە لەدایکبووانی ساڵی 2005 ناوی خۆیان تۆمارکردووە.
