بڕیارە هەفتەی داهاتوو عێراق و توركیا بۆ دەستپێكردنەوەی هەناردەی نەوتی هەرێم گفتوگۆكانیان دەستپێدەكەنەوە.
لەو بارەیەوە ئاژانسی عێراق ئۆیل ریپۆرت لە زاری چوار بەرپرسی عێراقییەوە بڵاویكردووەتەوە، ھاكان فیدان وەزیری دەرەوەی توركیا لە لە چەند رۆژی داهاتوودا بۆ پرسی نەوتی هەرێم سەردانی عێراق و ھەرێمی كوردستان دەكات.
هەر پەیوەست بە دۆسییەی نەوتی هەرێم ئاژانسەكە ئاشكرایكردووە، حەیان عەبدولغەنی وەزیری نەوتی عێراق هەفتەی داهاتوو بۆ هەمان بابەت دەچێتە توركیا.
لە 25ی ئازاری ئەمساڵەوە هەناردەی نەوتی هەرێم راگیراوە و ئەو بڕیارەش لەلایەن دادگای ناوبژیوانی پاریسەوە دەركراوە، تائێستا هەناردەی نەوتی هەرێم دەستیپێنەكردووەتەوە.
