بەڕێوەبەری خانەنشینیی پێشمەرگە لە سلێمانی رایدەگەیەنێت، ئەو مووچەخۆرانەی مانگی تەمموزی ئەمساڵ خزمەت و راژەیان بەكۆتا هاتووە و خانەنشینكراون مووچەی شەش مانگیان بەسەر یەكەوە بۆ خەرجدەكرێت.
عەزیز عەلی فەتاح بەڕێوەبەری خانەنشینیی پێشمەرگە لە سلێمانی لە لێدوانێكدا بە تۆڕی میدیایی ئێستای راگەیاند، ئەو مووچەخۆرانەی مانگی تەمموزی ئەمساڵ خزمەت و راژەیان لە فەرمانگەكاندا بەكۆتا هاتووە خانەنشینكراون، شەش مووچەیان بەسەر یەكەوە بۆ خەرجكراوە.
راشیگەیاند، لە فەرمانگەكەی خۆیانەوە نووسراویان بۆ بەڕێوەبەرایەتیی گەنجینە بۆ دەكرێت و چەكیان پێدەدرێت دواتر لە بانك پارەكە وەردەگرن وتیشی، “ئەو كەسانەی خزمەت و راژەیان بەكۆتاهاتووە ئەو (ئیكرامییە)یان پێنەدراوە بەهۆی تەواونەكردنی رێكارە كارگێرییەكان بووە لە فەرمانگەكەی خۆیان ئەگەر نا زۆرینەیان شەش مووچەكەیان وەك پاداشت پێدراوە.
