ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، لە عێراق 18 بۆ 25 مانگ مووچە دابەشدەكرێت و ئەگەر هەرێم پابەندی رێككەوتنەكان بێت مووچەی لە هەمان وادەدا بۆ رەوانەدەكرێت.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لە عێراق 18 بۆ 25ی هەموو مانگێك دەست بەدابەشكردنی مووچە دەكرێت و هەرێم و بەغداد رێككەوتنیان لەسەر بنەمای پابەندییەكان ئەنجامداوە ئەوا مافی هەرێمە لە هەمان وادەدا مووچەی بۆ رەوانە بكرێت.
ئاشكراشیكرد، ناردنی پشكی هەرێمی كوردستان هەمووی مەرجی پێشوەختەی هەیە و دەبێت پابەندی رێككەوتنەكان بێت و جگەلەوەش پابەندییەكانی هەرێم نەوت و داهاتە نانەوتییەكانە كە دەبێت لە بەرامبەردا بەغداد مووچە و بودجەی بۆ رەوانە بكات.
