هەریەك لە یەكگرتووی ئیسلامی و كۆمەڵی دادگەری لە كەركوك بە یەك لیست بەشداری هەڵبژاردنی ئەنجومەنی پارێزگاكان دەكەن.
لە كۆنگرەیەكی رۆژنامەوانیدا نوێنەرانی هەردوو حزب هاوپەیمانییان بۆ هەڵبژاردنی داهاتووی ئەنجومەنی پارێزگاكان و ئامانجی هاوپەیمانێتییەكە ئاشكراكرد.
پێشتریش یەكێتیی نیشتمانیی كوردستان و حزبی شیوعیی كوردستان پێكهێنانی هاوپەیمانییان بۆ بەشداریكردن لە هەڵبژاردنی ئەنجومەنی پارێزگاكان لە كەركوك، بەمەبەستی رێگری لە پەرتەوازەبوونی دەنگی كورد لە شارەكە راگەیاند.
