ئاستی فرۆشتنی دۆلار بەشێوەی کاش لەلایەن بانکی ناوەندیی عێراقییەوە بەردەوامە لە بەرزبوونەوە، مەبەست لەو هەنگاوەی بانکی ناوەندی بەرزکردنەوەی بەهای دینارە بەرامبەر دۆلار.
ئەمڕۆ پێنجشەممە بانکی ناوەندیی عێراق، کۆی گشتی بڕی 220 ملیۆن و 186 هەزار و 13 دۆلاری خستەبازاڕەوە، فرۆشتنی ئەو بڕە دۆلارە بە نرخی فەرمییە لە 1305 دینارە بەرامبەر هەر دۆلارێک.
زۆرترین بڕی دۆلار بۆ مامەڵەی دەرەوە و حەواڵە تەرخانکراوە کە 166 ملیۆن و 906 هەزار و 13 دۆلارە.
هەروەها ئەوەی دەمێنێتەوە 53 ملیۆن و 280 هەزار دۆلاری بۆ فرۆشتنە بەشێوەی کاش.
