بەڕێوەبەرایەتیی هاتوچۆی دەربەندیخان بڵاویکردەوە، تا کاتژمێر 6:00 ی بەیانی رۆژی پێنجشەممە تونێلی دەربەندیخان ناکرێتەوە.
جاسم محەمەد عەلی خان لێپرسراوی بەشی هاتووچۆی دەربەندیخان رایگەیاند، “بەهۆی وشکنەبوونەوەی قیرتاوی شەقامی ناو تونێلەکەوە، کردنەوەی تونێلەکە تاوەکو رۆژی پێنجشەممە کاتژمێر 6:00ی بەیانی بە رووی شۆفێراندا دواخرا”.
ئاماژەی بەوەشکرد، “شۆفێران دەتوانن شاخی بەرانان بە کاربهێنن بۆ هاتووچۆکردن، بارهەڵگر و تانکەرەکانیش لە ناو سەنگاوەوە هاتوچۆ بکەن”.
لە بەیانی ئەمڕۆوە بەهۆی قیرتاوکردنی شەقامی بەردەم تونێل تا دەگاتە فولکەی پەری دەریا، تونێلی دەربەندیخان داخرا.
