عەلی عەلاق، پارێزگاری بانكی ناوەندیی عێراق رایدەگەیەنێت، بەرزبوونەوەی بەهای دۆلار بەرامبەر بە دینار كاتییەوە و هیچ سزایەكی نوێ نییە و دەشڵێت، “بەردەوامدەبین لە دابینكردنی دۆلار بە نرخی فەرمی”.
راشیگەیاند، چەند رێوشوێنێكی پێویست گیراوەتەبەر و بانكی ناوەندیی بەردەوامە لە دابینكردنی دۆلار بە نرخی فەرمی و هیچ ئاماژەیەك بۆ سزادانی ژمارەیەك بانكی دیكە نییە وەك ئەوەی باسدەكرێـت.
ئاماژەی بۆ ئەوەش كرد، بەرزبوونەوەی بەهای دۆلار بەرامبەر بە دینار بەهۆی چەند بازرگانێكەوە بووە كە لە سەكۆی ئەلیكترۆنی سڕدراونەتەوە “.
