یانەی پاریس سان جێرمان چووە نێو هاوکێشەی ڕاسمۆس هۆیلۆندی دانیمارکی-یەوە، لە کاتێکدا مانچستەر یونایتد هەموو شتێکی لەگەڵ یاریزانەکە بڕاندووەتەوە.
بەگوێرەی زانیارییکانی “ڕادیۆ مۆنتی کارلۆ”، بەڕێوەبەرانی پاریس سان جێرمان وەک ئامادەکارییەک بۆ ڕۆیشتنی کیلیان مباپێ، هەوڵەکانیان بە ئاراستەی ڕاسمۆس هۆیلۆندی هێرشبەری یانەی ئاتالانتا دەستپێکردووە.
یاریزانەکە پێشوەختە لەگەڵ یانەی مانچستەر یونایتد ڕێککەوتنی کردووە و نزیکە پەیوەندی بەو یانەیەوە بکات، بەڵام پێدەچێت هەوڵەکانی پاریس سان جێرمان تێچووی گواستنەوەی بۆ 90 ملیۆن یورۆ بەرزبکاتەوە، تەنانەت ئەگەری لەدەستیدانیشی هەیە لەبەرژەوەندیی یانە زەبەلاحەکەی فەرەنسا.
هۆیلۆند تەمەنی 20 ساڵە و لە پێگەی هێرشبەری سەرەڕم یاری دەکات، بە درێسی ئاتالانتا بێرگامۆی ئیتاڵییەوە 34 یاریی کردووە، 10 گۆڵ و 4 ئەسیستی تۆمارکردووە.
