سوید سەرجەم نوێنەرایەتییە دیپلۆماسییەکانی لە بەغدادی پایتەختی عێراقەوە دەگوازێتەوە بۆ ستۆکهۆڵم، ئەوەش لە کاردانەوەی هێرشکردنە سەر باڵیۆزخانەی وڵاتەکەی لە عێراق.
وەزارەتی دەرەوەی سوید ئاشکرایکرد، باڵیۆزخانەی سوید لە بەغداد و سەرجەم کارەکانی بەشێوەیەکی کاتی دەگوازرێتەوە بۆ ستۆکهۆڵمی پایتەخت، ئەوەش بە هۆکاری ئەمنی لە بەغداد.
بەرەبەیانی رۆژی پێنجشەممە خۆپیشاندەران لە بەغداد هەڵیانکوتایە سەر باڵیۆزخانەی سوید و باڵیۆزخانەکەیان سوتاند.
ئاڵۆزییەکانی نێوان سوید و عێراق دوای کردەوەکانی سەلوان مۆمیکا دێت لە سوید و عێراق نیگەرانیی وڵاتەکەی لە ڕێگەپێدانی لەلایەن سویدەوە دەربڕی.
