سەرۆكایەتیی شارەوانیی سلێمانی رایدەگەیەنێت، بەشی لابردنی سەرپێچی و زیادەڕۆیی -هۆبەی ناوبازاڕ هەڵمەتێكیان بۆ رێكخستنەوە و لابردنی زیادەڕۆییەكان دەستپێكرد.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ پێنجشەممە، بەشی لابردنی سەرپێچی و زیادەڕۆیی -هۆبەی ناوبازار هەڵمەتێكیان ئەنجامدا بە مەبەستی رێكخستنەوەی ناوبازار و لابردنی زیادەڕۆیی و لابردنی زیادەڕۆییان بۆ سەر موڵكی گشتی.
لە راگەیەندراوەكەدا هاتووە، دوای ئاگاداركردنەوەیان لە جێبەجێكردنی ڕێنماییەكانی شارەوانی و پاراستنی پاكوخاوێنی ژینگەیی لە بەردەم كارەكانیان، هەڵمەتەكە شەقامی مزگەوتی گەورە و مەزادخانەی سەرەوە و مەزادخانی خوارەوەی گرتەوە.
