ئاردا گولەر، ئەستێرەی نوێی ڕیاڵ مەدرید سەرنجی یاریزانان و ستافی ڕاهێنانی یانەکەی ڕاکێشاوە.
ڕۆژنامەی “مارکا” لەبارەی یاریزانەکەی تورکیاوە نووسیویەتی، تەمەنی تەنها 18 ساڵە و خاوەنی پێیەکی چەپی ناوازەیە، لە یەکەم ڕاهێنانەوە بە لێدان و لێدەرکردن و گواستنەوە سەرسوڕهێنەرەکانی سەرنجی ستافی ڕاهێنان و تەنانەت یاریزانانیشی ڕاکێشاوە، ئیدارەی یانەش کەشێکی گونجاوی بۆ ڕەخساندووە بۆ ئەوەی هەست بە کەمتەرخەمی و فشار نەکات.
گولەر لەگەڵ خێزانەکەیدا دەژی، لەگەڵ باوکی دێت بۆ ڕاهێنانەکان و هەر لەگەڵ ئەویشدا دەگەڕێتەوە بۆ ماڵەکەی.
یاریزانان و ستافی یانەی شاهانە پێیانوایە، پێی چەپی گولەر هاوشێوەی لیۆ مێسی مەترسیدارە و کەسێکی شەرمنە.
لە ئێستادا پلانیان بۆ داڕشتووە، کە لە ڕووی جەستەییەوە بەهێزتر بکرێت و بە قۆناغەکانی خۆگونجاندن و پەرەپێداندا بڕوات، تاوەکو ئەو کاتەی بە ئەزموونەوە ئامادەی یارییەکان دەبێت.
