لە سنووری پارێزگای سلێمانی سبەینێ پێنجشەممە کۆتایی بە پرۆسەی وەرگرتنی گەنمی جوتیاران دەکرێت.
سایلۆی سلێمانی بڵاویکردەوە، “بەهۆی کەمبوونەوەی ئەو بڕە گەنمەی لەلایەن وەزارەتی بازرگانی عێراقەوە بۆمان دیاریکراوە و کەمبوونەوەی سەردانی کردنی جوتیاران بە مەبەستی رادەستکردنی گەنمەکانیان، لە ئەمڕۆ چوارشەممە جگە لە سایلۆی سلێمانی لە ناحیەی پیرەمەگرون، لە سەرجەم سایلۆ و بنکەکانی سەر بە بەڕێوەبەرایەتیەکەمان پرۆسەی بە بازاڕکردنی گەنمی جوتیاران بۆ وەرزی 2023 کۆتایی دێت”.
داوایشیکرد، “جوتیارانەی تا ئێستا گەنمیان رادەست بە سایلۆ و بنکەکانمان نەکردووە لە سبەینێ پێنجشەممە سەردانی سایلۆی سلێمانی بکەن لە ناحیەی پیرەمەگرون بە مەبەستی رادەستکردنی گەنمەکانیان”.
