وەزارەتی گواستنەوە رایدەگەیەنێت، زیاتر لە 31 هەزار فڕۆكە بە ئاسمانی عێراقدا تێپەڕبوون.
وەزارەتەكە لە راگەیەندراوێكدا ئاشكرایكرد، ئەو فڕۆكە مەدەنییانەی تۆماركردووە كە لە دوو مانگی رابردوودا بە ئاسمانی عێراقدا تێپەڕیوون و تیایدا زیادبوونی بەرچاوی ژمارەی فڕۆكەكان بەدیدەكرێت.
بەپێی ئامارەكە ژمارەكە لە مانگی ئایاردا 14 هەزار و 894 فڕۆكە بووە، لەكاتێكدا ژمارەی نزیكبوونەوەی فڕۆكە گەیشتووەتە سێ هەزار و 896 فڕۆكە.
هەروەك لە مانگی حوزەیراندا ژمارەكە گەیشتووەتە 16 هەزار و 340 فڕۆكە و، نزیكبوونەوەی فڕۆكەش چوار هەزار و 210 بووە.
وەزارەتی گواستنەوە روونیكردووەتەوە، زیادبوونەكە دەگەڕێتەوە بۆ توندوتۆڵكردنی پابەندی بە پێوەر و داواكارییەكانی رێكخراوی فڕۆكەوانیی مەدەنی.
