بەڕێوەبەرایەتیی گشتیی تەندروستیی سلێمانی رایدەگەیەنێت، لە شەش مانگی یەكەمی ئەمساڵدا 10 هەزار و 711 منداڵ لەدایكبوون.
بەپێی راگەیەندراوێكی بەڕێوەبەرایەتیی گشتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە شەش مانگی یەكەمی ئەمساڵدا 10 هەزار و 711 منداڵ لەدایكبوون 62%ی ئەو منداڵانە لە نەخۆشخانە حكومییەكان لە دایكبوون.
هەر لە راگەیەندراوەكەدا هاتووە، لە پارێزگای سلێمانی شەش هەزار و 664 منداڵ لە نەخۆشخانە حكومییەكان لە دایكبوون و چوار هەزار و 47 منداڵەكەی دیكە لە نەخۆشخانە تایبەتەكان لە دایكبوون.
ئاماژە بۆ ئەوەش كراوە، لەمانگێكدا 19 هەزار و 242 منداڵ لەنەخۆشخانەی د. جەمال ئەحمەد رەشیدی تایبەت بە منداڵان چارەسەركراون.
