دەسەڵاتی فڕۆکەوانی ئەمریکی رێگەی بە کۆمپانیایەکی ناوخۆیی دا کە ئۆتۆمبێلێکی بخاتە ژێر ئەزموونکردنەوە کە توانای فڕینی هەیە.
کۆمپانیاکە ناوی Alef ە و ئۆتۆمبێلەکەی ناوی model A یە لە توانایدایە لەسەر زەوی بڕوات و لە هەندێک شوێنیش کە پێویست بکات بەرزببێتەوە و بفڕێت.
تائێستا ئۆتۆمبێلەکە لەژێر پەرەپێداندایە، لە توانایدایە لە یەک بارگاویکردندا 321 کیلۆمەتر لەسەر زەوی و 177 کیلۆمەتر بە ئاسماندا بفڕێت.
چاوەڕێ دەکرێت لە ساڵی 2025 ئۆتۆمبێلەکە بخرێتە بازاڕەوە و نرخی بگاتە 300 هەزار دۆلاری ئەمریکی.
