نەتەوە یەکگرتووەکان رێکخراوێکی سەربەخۆ دادەمەزرێنێت بەمەبەستی بەدواداچوون بۆ چارەنووسی ئەو هاوڵاتییە سورییانەی کە لە ماوەی 12 ساڵی رابردوودا بەهۆی شەڕ و رووداوە جۆراوجۆرەکانەوە بێسەروشوێن بوون.
نەتەوە یەکگرتووەکان ژمارەی ئەو سورییانەی لە ساڵی 2011وە بێسەروشوێن بوون بە 100 هەزار کەس دەخەمڵێنێت.
بە مەبەستی دیاریکردنی چارەنووسی ئەو کەسانە وڵاتانی ئەندام لە نەتەوە یەکگرتووەکان بە زۆرینەی دەنگ بڕیاریاندا دامەزراوەی سەربەخۆی ونبووەکان لە سوریا دابمەزرێنێت و نەتەوە یەکگرتووەکان خۆی راستەوخۆ چاودێریی کارەکانی دەکات.
لەگەڵئەوەی ئاماژە بە چۆنێتیی کارکردنی رێکخراوەکە نەدراوە، بەڵام جەختکراوەتەوە کە دەبێت کەسوکاری ونبووەکان و نوێنەرایەتییان لەناو رێکخراوەکەدا راستەوخۆ بەشداربن.
