د. هەڤاڵ ئەبوبەكر پارێزگاری سلێمانی لە كۆنگرەیەكی رۆژنامەوانیدا دوای نوێژی بەیانی جەژن رایگەیاند، هەموو ئامادەكارییەكانمان بۆ پێشوازیكردن لە گەشتیاران لە بازگەكان، فڕۆكەخانەكان و شوێنی مانەوەیان و خواردن و ناوچە گەشتیارییەكان كردووە.
ئاشكراشیكرد، ئەو گەشتیارانەی سەردانی ناوچە گەشتیارییەكانمان دەكەن كاتێك دەگەڕێنەوە وڵاتەكەیان دەبنە باڵیۆز بۆ وڵاتەكەی ئێمە كە پەیامی راستەقینەی ئێمە بۆ شارستانییەت و گەشەكردن دەبەنەوە بۆ وڵاتی خۆیان و داواش لە هاوڵاتییان دەكەین هاوكار و هەماهەنگ بن.
لەبارەی دەستپێكردنەوەی گەشتە ئاسمانییەكانی فڕۆكەخانەی سلێمانیش، پارێزگاری سلێمانی رایگەیاند، هەوڵەكان بەردەوامن بۆ دەستپێكردنەوەی گەشتە ئاسمانییەكانی نێوان توركیا و سلێمانی و ئومێدمان وایە بگەینە ئەنجامێك و كێشەكان چارەسەرببن.
