مەکتەبی سیاسیی یەکێتیی نیشتمانیی کوردستان لە پەیامێکدا بڵاویکردەوە ئومێدەوارین جەژنی قوربان ببێتە مایەی پتەوكردنی گیانی برایەتی و چەسپاندنی ئاشتی و ئۆقرەیی لە ناوچەكەدا.
مەکتەبی سیاسیی یەکێتیی نیشتمانیی کوردستان بەبۆنەی هاتنەوەی جەژنی قوربان پەیامێکی بڵاوکردەوە کە تێیدا هاتووە، ” گەرمترین پیرۆزبایی لە مسوڵمانانی كوردستان وعێراق و جیهان دەكەین و هیوای جەژنێكی پڕ لە خێر و خۆشی بۆ هەموو لایەك دەخوازین”.
لە بەشێکی دیکەی پەیامەکەدا هاتووە، “ئومێدەوارین ئەم بۆنە پیرۆزە ببێتە مایەی پتەوكردنی گیانی برایەتی و چەسپاندنی ئاشتی و ئۆقرەیی لە ناوچەكەدا و گەلەكەمان بە ئاسودەیی و دوور لە هەر تەنگەژەیەك یاد و بۆنە ئایینی و نیشتمانی و نەتەوەییەكان بە خۆشی وشادی بكەنەوە”.
