بافڵ جەلال تاڵەبانی بە سەرۆكایەتیی شاندێكی یەكێتی سەردانی بزوتنەوەی گۆڕانی كرد و كۆبوونەوەیەكیان ئەنجامدا.
نیوەڕۆی ئەمڕۆ بافڵ جەلال تاڵەبانی، سەرۆكی یەكێتیی نیشتمانیی كوردستان بە سەرۆكایەتیی شاندێكی یەكێتی سەردانی گردەی زەرگەتەی لە سلێمانی كرد و لەلایەن مستەفا سەید قادر و بەرپرسانی بزوتنەوەی گۆڕانەوە پێشوازی كران.
ئەندامێكی جڤاتی نیشتمانی بزوتنەوەی گۆڕان كە لە كۆبوونەوەكەدا بەشداربوو بە تۆڕی میدیایی ئێستای راگەیاند، سەردانێكی دۆستانە بوو بۆ توندوتۆڵكردنەوەی پەیوەندییەكانی نێوان هەردوولا. لەسەر هەندێك پرسی هەنوكەیی قسەو باس و گفتوگۆمان كرد، هەوڵێك بوو بۆ نزیككردنەوەی بیروڕاكان لە یەكتری.
ئەوەشی خستەڕوو، تاوتوێی بارودۆخ و ژیانی و گوزەرانی خەڵك، هەڵبژاردنەكانی عێراق و پێویستیی یەك لیستی كورد بۆ هەڵبژاردنەكانی داهاتوو كرد، بەتایبەتی لە ناوچە دابڕاوەكان.
