د. بڕیار رەشید پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە كۆنگرەیەكی رۆژنامەوانیدا رایگەیاند، هیچ بیانوویەك بۆ كێشە و دواكەوتنی مووچە نامێنێت و ئەوەی پێشتر پەیڕەوكراوە لە شێوازی دابەشكردنی مووچە كە بریتیە لە پاشەكەوت و لێبڕین لە مووچەی فەرمانبەران لە هەرێمی كوردستان كۆتایی پێدێت.
ئاشكراشیكرد، ئەو كەسانەی باس لەوە دەكەن گوایە ئەو بودجەیەی دێت بەشی مووچەی فەرمانبەرانی هەرێمی كوردستان ناكات هیچ بنەمایەكی نییە و دوورە لە راستییەوە.
ئاماژەی بۆ ئەوەش كرد، دەبێت ئەو بودجەیەی لە بەغدادەوە بۆ هەرێمی كوردستان دێت ئەولەویەت بۆ مووچە بێت و ئەگەر غەدر لە پارێزگایەك كرا راستەوخۆ سەرۆك وەزیرانی عێراق دێتە سەر هێڵ و چارەسەری كێشەكە دەكات.
