بەڕێوەبەرایەتیی هاتوچۆی كۆیە بڵاویكردەوە، “لە ئەنجامی پێكدادانی ئۆتۆمبێلێكی جۆری هۆندای تۆكسۆن و جاك شەش كەس برینداربوون كە هۆكاری ڕووداوەكە ئەنجامدانی كرداری پێشكەوتنی هەڵەبووە”.
بەپێی راگەیەندراوێكی بەڕێوەبەرایەتیی هاتوچۆی كۆیە كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ كاتژمێر 12ی نیوەڕۆ لە رێگەی هەیبەت سوڵتان لە ئەنجامی پێكدادانی ئۆتۆمبێلی جۆری ( هۆندای تۆكسۆن و جاك ) 6 كەس بریندار بوون هۆكاری ڕووداوەكە ئەنجامدانی كرداری پێشكەوتنی هەڵەبووە.
ئاماژە بۆ ئەوەش كراوە، ڕێژەی زۆریی رووداوەكانی سنووری بەڕێوەبەرایەتیی هاتوچۆی كۆیە كرداری پێشكەوتنە لەلایەن شۆفێرانەوە بەهۆی ئەوەی سەرجەم رێگەكانی دەرەوەی كۆیە تاك سایدی چوون و هاتنن.
