پۆلیسی سلێمانی دوو تۆمەتباری دەستگیركرد كە لە چێشتخانە و خواردنگەكاندا دزییان كردبوو.
بەڕێوەبەرایەتیی پۆلیسی سلێمانی بڵاویکردەوە، “لەهەڵمەتی گەڕان و بەدواچوونەكان و چاودێریكردنی ناو بازاڕ و لەسەر سكاڵای هاوڵاتییەك كە لەچێشتخانەیەکدا دزیلێکراوە، هێزەكانی پۆلیس لێكۆڵینەوە و بەدواداچوونەكانیان بۆ دۆزینەوە و دەستگیركردنی تۆمەتباران دەستپێكرد، دوای وەرگرتنی بڕیاری دادوەر، توانرا تۆمەتباران بدۆزرێنەوە و لەلایەن مەفرەزەكانی بنكەی پۆلیسی سەراوە دەستگیربكرێن”.
ئاماژەی بەوەشکرد، “تۆمەتباران (ل، ن، ع ) لە دایكبووی ساڵی 2004 ( م، ا، ع ) لەدایكبووی ساڵی 2003 دانیان بەتاوانەكەیاندا ناوە و لەئێستادا بە بڕیاری دادوەر و بەپێی ماددەی 446 لە یاسای سزادانی عیراقی راگیراون و لێكۆڵینەوەكان بەردەوامە”.
