کەمێک لەمەوبەر شێخ تەمیم بن حەمەد ئال سانی میری قەتەر گەیشتە فڕۆکەخانەی بەغداد و لەلایەن محەمەد شیاع سودانی سەرۆک وەزیرانی عێراق پێشوازی لێکرا.
دوای نیوەڕۆی ئەمڕۆ پێنجشەممە شێخ تەمیم بن حەمەد ئال سانی میری قەتەر لەسەر بانگهێشتنامەی فەرمی عێراق گەیشتە فڕۆکەخانەی نێودەوڵەتی بەغداد و لەلایەن محەمەد شیاع سودانی پێشوازی لێکرا.
ئامانج لە سەردانەکەی میری قەتەر گفتوگۆکردنە لەبارەی چەندین دۆسیەی گرنگی ئابووری و سیاسی لەگەڵ بەرپرسانی عێراق.
لە مانگی ئابی ساڵی 2021 ەوە ئەمە دووەمین سەردانی شێخ تەمیم بن حەمەد ئال سانی-ییە بۆ بەغداد.
بڕیارە لەسەردانەیەکدا جگە لە سەرۆک وەزیران لەگەڵ سەرۆک کۆمار و سەرۆکی پەرلەمانی عێراق کۆببێتەوە.
