پۆلیسی دارستان و ژینگەی خانەقین دەستگیركردنی سێ كەسی راگەیاند، كە سەرقاڵی راوكردن و فرۆشتنی ئاسك و بێچووە ئاسك بوون بە شێوەی نایاسایی.
بەپێی راگەیەندراوێكی پۆلیسی دارستان و ژینگەی خانەقین كە وێنەیەكی دەست تۆڕی میدیایی ئێستا كەوتووە و تێیدا هاتووە، سێ كەس لە سنووری بەشی پۆلیسی دارستان و ژینگەی خانەقین دەستگیركران سەرقاڵی ڕاوكردن و فرۆشتنی ئاسك و بێچووە ئاسك بوون بە شێوەیەكی زۆر نامرۆڤانە.
لە راگەیەندراوەكەدا هاتووە، دەسخۆشی بۆ سەرجەم لێپرسراو و كارمەندانی بەشی پۆلیسی دارستان و ژینگەی خانەقین و بنكەكانی كە زۆر ماندوونەناسانە لە هەوڵی نەهێشتنی دیاردەی ڕاوكردندان بوون.
