بەپێی پێشبینییەكانی كەشناسی ئەگەری تاوە بارانی كورتخایەن و خۆڵبارین لە ناوچە جیاجیاكانی هەرێمی كوردستان هەیە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان پەڵە هەور و نیمچە هەور دەبێت، لە دوانیوەڕۆوە دەبێت بە هەوری تەواو، ئەگەری بارینی تاوە بارانی کورتخایەن هەیە لە هەندێ کات و شوێنی جیاجیا.
لە ئەنجامی زیادبوونی خێرایی با لە هەندێ ناوچە دەبێتە هۆی بەرزبوونەوەى تۆز و خۆڵ. هەروەها پلەکانی گەرما نزیک دەبێتەوە لە تۆمارکراوی رۆژی پێشوو.
سەبارەت بە كەشوهەوای سبەینێش بەپێی پێشبینییەكانی كەشناسیی هەرێم، ئاسمان لە نێوان ساماڵ و نیمچە هەور دەبێت و، پلەکانی گەرما نزیک دەبنەوە لە تۆمارکراوی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 39
سلێمانی : 37
دهۆک : 36
کەرکوک : 42
هەڵەبجە : 38
زاخۆ : 37
سۆران : 36
گەرمیان : 43
