شاسوار عەبدولواحید سەرۆكی جوڵانەوەی نەوەی نوێ، كارە بازرگانی و شەخسییەكانی لە بەرگی سیاسی و جوڵانەوەكەیدا دەكات، بە جۆرێك ئەندامانی خێزانەكەشی بۆ ئەو ئەركانە راسپاردووە و گەیشتووەتە ساختەكاری و ئاشكرادەبێت، برایەكی، داواكراوە بە ساختەكاری رەسیدی چەك و فەرمانی دەستگیركردنی لە دادگایەكی بەغداد بۆ دەرچووە.
بەپێی بەڵگەیەكی یاسایی كە وێنەیەكی دەست تۆڕی میدیایی ئێستا كەوتووە و تێیدا هاتووە، نزار عەبدولواحید قادر برای شاسواری سەرۆكی نەوەی نوێ لەلایەن دادگای لێكۆڵێنەوەی كەرادە لە بەغداد ( داواكراوە) بە فەرمانی ژمارە 7801 و تۆمەتبارە بە بەكارهێنانی چەكی بانكی، بەبێ ئەوەی هیچ رەسیدێكی بانكی هەبێت، كە ئەوەش ساختەكردنە لە بانك.
لە نووسراوە رەسمییەكەی دادگای كەرادەی بەغداد دا هاتووە:” نزار عەبدولواحید جۆری تاوان و ئەو ماددە یاساییەكەی بریتییە لە دروستكردنی چەك بەبێ رەسیدی بانكی و بەپێی ماددەی 459/ا سزادان داواكراوە”.
