حکومەتی هەرێمی کوردستان بڕیاریدا بە تەرخانکردنی نزیکەی سێ ملیار دینار بۆ گرتنەبەری رێکارەکانی رووبەڕووبوونەوەی تای خوێنبەربوون.
لە راگەیەندراوێکدا فەرمانگەی میدیا و زانیاریی حکومەتی هەرێم بڵاویکردەوە، بڕی دوو ملیار و 771 ملیۆن دینار تەرخانکراوە بۆ رووبەڕووبوونەوەی تای خوێنبەربوون کە لەم وەرزەدا رێژەی تووشبوون بە نەخۆشییەکە بەرزبووەتەوە.
تای خوێنبەربوون نەخۆشییەکی ڤایرۆسی گواستراوەیە، بەپێی ئاماری رێکخراوی تەندروستیی جیهانی رێژەی مردن بەهۆی نەخۆشییەکەوە %40ـە.
نەخۆشییەکە لە ئاژەڵەوە بۆ مرۆڤ دەگوێزرێتەوە بەشێوەی راستەوخۆ لەرێگەی تێکەڵبوون بە ئاژەڵی تووشبوو و بەرکەوتن بەو ئاژەڵانە.
