لە كۆبوونەوەی ئەمڕۆی ئەنجومەنی وەزیرانی عێراقدا هاوردەكردنی توكتوك و هەموو جۆرەكانی ماتۆڕسكیل قەدەغەكرا.
بەپێی بەیاننامەیەكی نووسینگەی راگەیاندنی محەمەد شیاع سودانی سەرۆك وەزیرانی عێراق لە كۆبوونەوەی ئەمڕۆی ئەنجومەنی وەزیرانی عێراقدا چەند بڕیارێكی گرنگ دران و یەكێك لە بڕیارەكانیش قەدەغەكردنی هاوردەكردنی هەموو جۆرەكانی ماتۆڕسكیل و توكتوكە.
لە راگەیەندراوەكەدا هاتووە، ئەو ماتۆڕسكیلانەی كە لەناو شاردا هەن تەنها بۆیان هەیە لە گەڕەكەكان و ناوچە كشتوكاڵییەكاندا هاتوچۆ بكەن.
