وتەبێژی هاتوچۆی هەولێر، ئاماژە بۆ ئەوە دەكات كە ماتۆڕسواری بووەتە سەرچاوەی مەترسی بۆ شوفێران و شەقامەکانی ناشرین و مەترسیدار کردووە.
لەبارەی بوونی ماتۆڕسواری بە دیارە لە هەرێمی كوردستان بە گشتی و هەولێر بە تایبەتی، فازڵ حاجی وتەبێژی بەڕێوەبەرایەتیی گشتیی هاتوچۆی هەولێر دەڵێت، “کلتوورێکی نامۆ و مەترسیدارە، کە لە وڵاتانی دەوروبەرەوە بۆمان هاتووە، هیچ پەیوەندییەکی بە ئێمەوە نییە، بەڵام بووەتە سەرچاوەی مەترسی بۆ شوفێران و خەڵکی ئێمە و شەقامەکانی ناشرین و مەترسیدار کردووە”.
لەگەڵ ئەو وتانەیدا، وتەبێژی بەڕێوەبەرایەتیی گشتیی هاتوچۆی هەولێر، وێنەی ماتۆڕسكیلێكی بڵاوكردووەتەوە كە پێنج سەرنشینی لەسەرە و نووسیویەتی، “لەسەر ماتۆڕسکیلێک پێنج ئەندامی خێزانێک لە شەقام، بەبێ هیچ پێداویستییەکی سەلامەتی دەڕۆن”.
ئاماژەی بۆ ئەوەش كردووە كە شۆفێری ماتۆڕسكیلەكە، “هیچ یاسا و رێنماییەک جێبەجێناکات، تەنانەت بەو هەموو سەرنشینەوە لە ترافیک لایت ناوەستێت”.
