توێژینەوە زانستییەكان ئاشكرایدەكەن كە رزگاربوون لەوەی ناویان ناوە “ژەهری ژمارەیی” دەبێتەهۆی باشبوونی تەندروستیی مێشك، بەڵام لەهەمان كاتدا دەبێتەهۆی هەستكردن بە دڵەراوكێ و خەمۆكی.
پزیشكان رێنوێنی دەكەن بەوەی پێویستە پشوو بە خۆت بدەیت لەڕێی دووركەوتنەوە لە تۆڕە كۆمەڵایەتییەكان.
شارەزایان دەڵێن، ئەو كەسانەی زیاتر لە سێ كاتژمێر بەدیار تۆڕە كۆمەڵایەتییەكانەوە بەسەردەبەن لە بەردەم تووشبووندان بە دڵەڕاوكێ و خەمۆكی، بۆیە پشوو وەرگرتن و دووركەوتنەوەی كاتی یان ئەوەی ناودەبرێت بە (سۆشیال میدیا دیتۆكس) بە چارەسەر ناودەبەن.
هەنگاوی یەكەم بۆ دووركەوتنەوە دیاریكردنی ئەو هۆكارەیە كە واتلێدەكات سۆشیال میدیا بەكاربهێنێت، تا لەڕێیەوە بتوانیت پلانێك بۆ كەمكردنەوەی كاریگەرییەكەی لەسەرت دابنێیت.
هەروەك رێنوێنی دەكەن بە گرتنەبەری رۆتینێكی رۆژانەی پڕ لە چالاكی كە واتلێبكات پێویستت بە بەكارهێنانی مۆبایل نەبێت.
سەرەڕای ئەوانەش رێنوێنی دەكەن بە سڕینەوەی ئەپلیكەیشنی تۆڕەكان بەشێوەیەكی كاتی لەسەر مۆبایلەكەت و بەسەربردنی كاتێكی زیاتر بە دەوروبەرت و گەڕان بەدوای جێگرەوەكانی سۆشیال میدیادا لە ژیانی راستەقینەدا.
