پارێزگاری بانكی ناوەندیی عێراق رایدەگەیەنێت، بەهای دۆلار بەرامبەر دینار گۆڕانكاریی زیاتری بەسەردا دێت و دەشڵێت، “رێكاری زیاتر بۆ دابەزاندنی بەهای دۆلار دەگیرێتەبەر”.
عەلی عەلاق پارێزگاری بانكی ناوەندیی عێراق رایگەیاند، بانكی ناوەندی خواستی هاوڵاتییان دابیندەكات و رۆژانە 200 ملیۆن دۆلار دەخرێتە بازاڕەوە و ئەوەش كاریگەری لەسەر سەقامگیربوونی بەهای دینار هەیە جگەلەوەش بانكی ناوەندیی عێراق یەك دۆلار بە 1320 دینار دەخاتە بازاڕەوە و ئەوەش وایكردووە بەهای دۆلار بەرامبەر دینار جێگیربێت.
راشیگەیاند، بەهای دۆلار لە بازاڕی رەشدا راستەقینە نییە، بانكی ناوەندیی عێراق چەند رێوشوێنێكی دیكە دەگرێتە بەر كە كاریگەری لەسەر دابەزینی بەهای دۆلار بەرامبەر دینار دەبێت.
