مستەفا كازمى سەرۆك وەزیرانی عێراق سهرپهرشتیى كۆبوونهوهیهكى بهپهلهى لهبارهى بهرزبوونهوهى نرخی خۆراكەوە كرد و وهزارهتهكانى ڕاسپارد ڕێوشوێنى بهپهله بگرنهبهر.
نووسینگهى ڕاگهیاندنى ئهنجومهنى وهزیرانى عێراق له ڕاگهیهندراوێكدا ئاشكرایكرد، مستهفا كازمى سەرۆك وەزیران سهرپهرشتیى كۆبوونهوهیهكى بهپهلهى كردووه بۆ گفتوگۆكردن لهبارهى ئاسایشی خۆراك و بهرزبوونهوهى نرخی خۆراك و كاڵا و شمەك.
ئاماژهى بهوهش كردووه، له كۆبوونهوهكهدا كە وهزیرانى دارایی، بازرگانى، پلاندانان و كشتوكاڵ بهشداربوون، گفتوگۆكرا لهبارهى دهستهبهركردنى ئاسایشی خۆراك و ئامادهیی وهزارهتهكان بۆ بهدیهێنانى ئهو ئامانجه لهژێر كاریگهریی جهنگى ڕوسیا و ئۆكرانیادا.
كازمى له كۆبوونهوهكهدا وهزارهت و لایهنه پهیوهندیدارهكانى ڕاسپاردووە ڕێوشوێنى پێویست بگرنهبهر بۆ پاراستنى ئاسایشی خۆراكى ئهمباركراو له كۆگاكاندا.
ئهوهش له كاتێكدایه، ماوهى چهند ڕۆژێكه نرخى خۆراك بهتایبهت ڕۆن و ئارد بهرزبوونهوهى بهرچاوهى بهخۆیەوه بینیوه، نرخى یهك لیتر ڕۆنی چێشتلێنان بۆ پێنج ههزار دینار و یهك فهرده ئارد بۆ 50 ههزار دینار بهرزبوونهتهوه.
هاوكاتی ئەمە ئهنجومهنى وهزیرانی عێراق بڕیاریداوه له مانگى ڕهمهزاندا دوو بهشهخۆراكى مانگانه دابهشبكات.
