وەزارەتی خوێندنی باڵا و توێژینەوەی زانستی عێراق لە ئەمڕۆوە دەرگای پێشکەشکردنی بۆ خوێندنی دبلۆمی باڵا و ماستەر و دکتۆرا لە زانکۆ ناوخۆییەکان راگەیاند.
وەزارەتی خوێندنی باڵا و توێژینەوەی زانستی بڵاویکردەوە، “لە ئەمڕۆوە دەرگای پێشکەشکردن بۆ خوێندنی باڵای دبلۆمی باڵا و ماستەر و دکتۆرا کرایەوە و خوازیاران دەتوانن بە رێگەی ئۆنلاین فۆڕمی پێشکەشکردن پڕبکەنەوە”.
ئاشکراشیکرد، “لەسەرجەم زانکۆکان 13هەزار و 305 کورسی لەسەرجەم بوارەکان تەرخانکراوە، بە پێی پێوەری کێبڕکێ پڕدەکرێنەوە”.
هەر لە راگەیەندراوەکەی خوێندنی باڵادا هاتووە، لە رێکەوتی 20 ی حوزەیران تاقیکردنەوەی توانستی بۆ هەر سێ ئاستەکان ئەنجامدەدرێن.
