هۆشیار زێباری لە دژی وەزارەتی دەرەوەی عێراق كە فوئاد حسێن وەزیریەتی تویتێكی كرد و دواتر لەژێر فشاردا پێیان سڕییەوە.
هۆشیار زێباری لە تویتەكەیدا نووسیبووی، “حكومەتی عێراق و وەزارەتی دەرەوەی عێراق شكستیان هێناوە لە بەهاناوەچوونی گێڕانەوەی تیمی باڵیۆزخانە و رەوەندی عێراقی لە سودان كە لە ئەنجامی پشێویی ئەو وڵاتە گیریانخواردووە.
دەشڵێت، “ئەمە لەكاتێكدایە كە شۆڕشەكانی بەهاری عەرەبی لە 2011- 2012 لە تونس و لیبیا و میسر و یەمەن دەستیانپێكرد، حكومەتی ئەو كاتی عێراق و وەزارەتی دەرەوە، توانی باڵیۆزەكانی عێراق لەو وڵاتانە و دبلۆماسییەكان و هاوڵاتییانی بە سەلامەتی دەرباز بكەن”.
