تۆمەتبارێك دەستگیركرا و پۆلیسی سلێمانی دەڵێت، سێ سكاڵای دزینی لەسەر بووە.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی بە گومانی دزیكردن چاودێری خرایەسەر تۆمەتبارێك، توانرا لەكاتی دزیكردنی ماتۆڕسكیلێك دەستگیربكرێت و لەكاتی لێكۆڵینەوەشدا دەركەوت كە دوو سكاڵای دیكەی لەسەر دزینی مۆبایل لەسەرە.
لە ئێستادا تۆمەتبار (ز.ش.م. لەدایكبووی ساڵی 1995) بە ناسنامە عەرەب، بە بڕیاری دادوەر راگیراوە و پەڕاوی لێكۆڵینەوەی بۆ كراوتەوە، وەك ئەوەی پۆلیسی سلێمانی دەیڵێت.
