لە گەڕەکی بەکرەجۆی کۆن شاری سلێمانی بەهۆی تەقینەوەی مۆبایلێکەوە ماڵێک بەتەواوی سوتا، بەڵام هیچ زیانی گیانی نەبووە.
پەیامنێری تۆڕی میدیایی ئێستا رایگەیاند، رووداوەکە لە گەڕەکی بەکرەجۆی سلێمانی بووە و خاوەن ماڵەکە لە ماڵەوە نەبوون و لە شاری کەرکوک بوون، جگە لە تەنها یەک کوڕی ئەو ماڵە نەبێت کە لە ماڵەوە بووە.
بەپێی زانیارییەکان، کوڕی ماڵەکە دوای ئەوەی لە کاتژمێر 3:30ی بەرەبەیان لە کار گەڕاوەتەوە مۆبایلەکەی بەمەبەستی بارگاویکردن داناوە، بەڵام بەوهۆیەوە تەقیوەتەوە ماڵەکەیان سووتاوە و سەرجەم ماڵەکە هەمووی سوتاوە.
ئەو ماڵە کرێچین و ئەوە دووەم جارە دەسوتێت.
