ئەو ژنەی 35 ساڵ چاوەڕوانی گەڕانەوەی منداڵە ئەنفالكراوەكانی كرد كۆچی دواییكرد
میم عەرجان ئەو ژنەی لە تاوانی ئەنفالدا، چوار منداڵەكەی بە بەرچاویەوە ئەنفالكران، دوای 35 ساڵ لە تاوانی ئەنفال، ئێوارەی ئەمڕۆ مەرگ هەموو خەون و ئاواتەكانی پێچایەوە و بەرەو دوا مەنزڵگەی برد.
میم عەرجان تا دوا ساتەكانی مردن، چاوەڕوانی گەڕانەوەی منداڵەكانی بوو، كە تەمەنی 79 ساڵ بوو، 35 ساڵە بە تەنها و لەگەڵ كەلوپەلی منداڵەكانیدا ژیانی بەسەردەبرد، جگە لە منداڵەكانی 80 كەس لە خانەوادەكەی شەهیدی ئەنفالن.
