وەزارەتی پێشمەرگە رەتیدەكاتەوە چەكی بانكی بۆ دزینی هیچ بڕە پارەیەك لە بانكی حكومیدا بەكارنەهێندراوە.
بەپێی راگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای بڵاوبوونەوەی هەواڵێك لەسەر دەستگیركردنی باندێكی (6)كەسی كە چەكی بانكی ساختەیان بەكارهێناوە بۆ دزینی بڕە پارەیەك لەبانكێكی حكومی، ئێمە لە وەزارەتی پێشمەرگە رایدەگەیەنین، دوور و نزیك ئەو پرسە پەیوەندی بە ئێمەوە نییەو هیچ ئەفسەر و كارمەندێكی وەزارەتی پێشمەرگە لەو تاوانەدا دەستیان نەبووەو بەشدارنەبوون.
لە راگەیەندراوەكەدا هاتووە، “داوا لە كەناڵەكانی راگەیاندن دەكەین بەرپرسیارانە مامەڵە لەگەڵ ئەو جۆرە دۆسیانەدا بكەن و ناوی وەزارەتی پێشمەرگە بۆ مەرامی میدیایی خۆیان بەكارنەهێنن”.
