لە شەپۆلی بارانبارینی رۆژانی رابردووی عێراقدا، زۆرترین بڕی باران وەك ئامارەكانی كەشناسی ئاشكرایانكردووە، لە شارەكانی هەرێمی كوردستان و ناوچەكانی دەرەوەی ئیدارەی هەرێم باری.
دوو شاری کوردستان كە خورماتوو و چەمچەماڵن، پلەکانی دووەم و سێیەمی سەر ئاستی جیهانیان لە بەرزترین رێژەی بارانباریندا تۆمارکردووە، وەك ئامارێكی تایبەت بە كەشوهەوای جیهان ئاشكرایكردووە.
ئامارەكە تایبەتە بە رۆژی 12ـی ئەم مانگە و لە دوای لا كۆنكۆردیا لە ئیكوادۆر، خورماتوو بە 111 ملیمەتر بارانبارین و چەمچەماڵ بە بارینی 87 ملیمەتر باران لە كاتی ئامادەكردنی ئامارەكەدا، بوون بە دووەم و سێیەم ناوچەی سەر ئاستی سەرتاسەری جیهان لە رووی بەرزترین رێژەی بارانبارینەوە.
