محەمەد راشد ئال مەکتوم رایگەیاند، ئیمارات دەوڵەتێکی ئابوورییە، پێشینەی نیشتمانیی وڵاتەکە ئابوورییە و لە دهاتووشدا بەرەو باشتر دەچن.
محەمەد بن راشد ئال مەکتوم سەرۆک وەزیرانی ئیمارات لە تویتێکدا رایگەیاند، “بەپێی راپۆرتێکی نوێی رێکخراوی بازرگانی جیهانیی ئیمارات بە رێژەی %2.4 بەشداریی لە هاوردەکردنی کاڵاکان لە جیهاندا دەکات”.
ئاماژەی بەوەشکرد، “ئیمارات لە ساڵی 2022 دا بە بەهای 599 ملیار دۆلار کاڵای هاوردەکردووە، بە رێژەی %41 بەراورد بە ساڵی رابردووتر گەشەی کردووە، پلەی 11ەمینی لە لیستی ئەو دەوڵەتانەدا گرتووە کە زۆرترین هاوردەیان کردووە”.
ئاشکراشیکرد، “لە ساڵی 2022 دا بە بەهای 1.27 ترلیۆن دۆلار ئیمارات مامەڵەی کاڵا و خزمەتگوزاریی هەبووە، کە 233 ملیار دۆلاری لە بەرژەوەندیماندا بووە”.
ئال مەکتوم لە درێژەی تویتەکەیدا نووسیویەتی، “ئیمارات لە داهاتوودا لە 2023 باشتر و گەورەتر و بەهێزتر دەبێت، ئێمە دەوڵەتێکی ئابوورین پێشینەی نیشتمانیمان ئابوورییە، پەیوەندییەکانمان لەگەڵ دەوڵەتان لەسەر بنەمای گەشەی ئابووری دەمێنێتەوە”.
