دوای سەركەوتنی ڕاپەڕینی بەهاری 1991 و ئازادكردنی سەرجەم ناوچەكانی هەرێمی كوردستان ڕژێمی بەعسی رووخاو، هێزێكی زۆری دژی هەرێمی كوردستان كۆكردەوە.بەهۆیەوە هەزاران هاوڵاتی بە ناچاری ماڵ و حاڵیان جێهێشت و روویان لە سنوورەكانی ئێران و توركیا كرد و ئەم كۆچە، بە كۆڕەوە ملیۆنییەكەی ساڵی 1991 ناسراوە.
كۆڕەو 26 رۆژ دوای راپەرینی 5/3/1991 دەستیپێكرد، كاتێك حكومەتی بەعس هێرشی بۆ سەر هەرێمی كوردستان دەستپێكردەوە، بە دەیان میدیای جیهان دیمەنەكانی دەگواستەوە.
لەو كۆڕەوەدا بە سەدان كەس گیانیان لە دەستدا و دواجار كۆڕەو بووە هۆی دروستبوونی ناوچەی پارێزراو لە هەرێمی كوردستان.
