یەكەم مووشەكی ئاسمانیی دروستكراو بە تەكنیكی سێ دووری (3D) بە سەركەوتوویی لە كاپ كاناڤیرال-ی ویلایەتی فلۆریدای ئەمریكا رەوانەكرا، بەڵام كێشەیەك لەكاتی گەشتەكەدا رێگربوو لە گەیشتنە خولگەكەی، وەك ئەوەی لە پەخشی راستەوخۆدا دەردەكەوێت.
(تیران 1) كە لەلایەن كۆمپانیای (ریلاتیڤیتی سپەیس- relativity space terran 1) دروستكراوە، مووشەكێكی سەرەتایی بوو بۆ كۆكردنەوەی زانیاری و سەلماندنی ئەوەی مووشەكی ئاسمانیی دروستكراو بە تەكنیكی سێ دووری دەتوانێت بەرگەی فشارە توندەكان بگرێت، هاوشێوەی مووشەكە ئاسمانییەكانی دیكە.
كۆمپانیاكە لەمیانەی پەخشە راستەوخۆكەدا وتی، پرۆسەی هەڵدانی مووشەكی تیران-1 شكستیهێناوە لە گەیشتە خولگەی خۆی بەهۆی كێشەیەك كە لەكاتی جیابوونەوەی چینی دووەمدا روویداوە.
This appears to be when the anomaly occurred.
A brilliant first flight of Terran 1 however. pic.twitter.com/3mrfCTi2XV
— Primal Space (@thePrimalSpace) March 23, 2023
دوو هەوڵی سەرەتای هەڵدانی مووشەكەكە لە چەند رۆژی رابردوودا لە دوا ساتەكاندا رەتكرانەوە بەهۆی كێشەی تەكنیكییەوە.
پرۆسەی هەڵدانی مووشەكەكە گرنگییەكی زۆری پێدرا، بەهۆی ئەوەی بە سەركەوتنی دەیتوانی ببێتەهۆی روودانی شۆڕش لە پیشەسازیی مووشەكی ئاسمانیدا.
%85ی پێكهاتەی مووشەكەكە لە تەكنیكی سێ دووری دروستكراوە. كۆمپانیاكە دەیەوێت لە ئایندەدا ئەو رێژەیە بۆ 95% بەرزبكاتەوە.
