لە پارێزگای زیقاری عێراق، رووداوێکی هاتووچۆ بووە هۆی گیانلەدەستدان و برینداربوونی 33 کەس.
میدیاکانی عێراق بڵاویانکردەوە، “رووداوێکی هاتوچۆ لەسەر رێگای نێودەوڵەتی کە زیقار و بەسرە بەیەکەوە دەبەستێتەوە روویداوە، بەهۆی رووداوەکەوە 31 کەس برینداربوون، کە هەندێکیان باری تەندروستییان سەختە و دوو کەسیش گیانیان لەدەستدا”.
رایانگەیاندووە، “لە نێو بریندارەکاندا پێنج کەسیان رەگەزنامەی ئێرانییان هەیە”.
ئاماژەی بەوەشکردووە “هێزە ئەمنییەکان و تیمەکانی فریاکەوتن بەپەلە چوونەتە شوێنی ڕووداوەکە بۆ رزگارکردنی بریندارەکان و گواستنەوەی تەرمەکان”.
