وەزارەتی بازرگانی، بڕی بەرهەمی ئەمساڵی گەنمی جوتیارانی ئاشكراكرد و دەڵێت، 3 – 3.5 ملیۆن تۆن دەبێت.
عێراق پێویستی بە چوار ملیۆن و 600 هەزار تۆن گەنم هەیە بۆ ئەوەی بیكات بە ئارد و لە بەشەخۆراكی مانگانەدا بەسەر هاوڵاتییاندا دابەشیبكات.
خالد ئیسماعیل بەڕێوەبەری گشتیی كۆمپانیای دانەوێڵە لە وەزارەتی بازرگانیی عێراق ئەمڕۆ شەممە رایگەیاند، “بەرهەمی پێشبینیكراوی ئەمساڵی گەنمی جوتیاران، لە نێوان 3 بۆ 3.5 ملیۆن تۆندا دەبێت”.
بەپێی وتەی بەڕێوەبەری گشتیی كۆمپانیای دانەوێڵە، لە هەردوو مانگی نیسان و ئایاری داهاتوودا، كەشتیی بارهەڵگری گەنمی كەنەدی و ئەمریكی و ئوسترالی دەگەنە عێراق، بەو پێیەی ئەو گەنمەی لە ناوخۆدا پێویستە، چوار ملیۆن و 600 هەزار تۆن گەنمی ساڵانەیە.
