لەسەر رێگەی دەربەندیخان – سلێمانی، چوار هاوڵاتی بە رووداوێکی هاتوچۆ گیانیان لەدەستدا.
جاسم محەمەد عەلی خان بەڕێوەبەری هاتوچۆی دەربەندیخان بە ئێستای راگەیاند، رووداوەكە لە نزیک گوندی سیارە لە رێگەی (دەربەندیخان – سلێمانی) روویداوە.
ئاشكراشیكرد، ئۆتۆمبێلێکی جۆری تۆیۆتا کراون ناسراو بە مەلیکە، بەهۆی تیژڕەوییەوە کۆنترۆڵی لەدەستداوە و وەرگەڕاوە، بەو هۆیەوە شۆفێرەکەی و دوو سەرنشین کە ژن بوون گیانیان لەدەستداوە و دواتر بریندارێكی رووداوەكە گیانیلەدەستدا.
بەڕێوەبەری هاتوچۆی دەربەندیخان وتیشی، بەپێی زانیارییەکان قوربانییەكانی رووداوەكە خەڵکی قەزای پێنجوێنن.
