دیبالا بۆ یوڤانتۆس: ببورن، بردنەوەکە زۆر گرنگ بوو

پاولۆ دیبالا، ئەستێرەی یانەی ڕۆما بە ناچارییەوە ڕوونکردنەوەیەکی بۆ هاندەرانی یانەی یوڤانتۆس بڵاوکردەوە.

دوای بردنەوەی یانەی ڕۆما بە ئەنجامی گۆڵێکی بێوەڵام لە یوڤانتۆس، پاولۆ دیبالای ئەرجەنتینی لە دەرەوەی لاکێشەی سەوز بە گوڕوتینەوە ئاهەنگی سەرکەوتنی گێڕا.

دوای بڵاوبوونەوەی تۆماری ئاهەنگگێڕانی ئەستێرەکەی “ئالبی سێلیستی” و بەرزبوونەوەی دەنگی ناڕەزایی هاندەرانی یوڤێ لە هەڵسوکەوتەکانی، بەوپێیەی پێشتر بۆ ڕەش و سپی تۆرینۆ یاریکردووە.

BUONGIORNO ROMANISTI 🟨🟥

Quanti di voi questa mattina si sono svegliati come Paulino e Gini ? 😍⬇️ #RomaJuventus #Dybala #Wijnaldum pic.twitter.com/slAnR6WTby

— 𝗟’𝗔𝗡𝗚𝗢𝗟𝗢 𝗚𝗜𝗔𝗟𝗟𝗢𝗥𝗢𝗦𝗦𝗢 (@mastrangeli10) March 6, 2023

یاریزانە ئەرجەنتینییەکە ڕوونکردنەوەیەکی بڵاوکردەوە، تیایدا هاتووە، “دەزانم بابەتەکە بۆ ئێوە قورسە و بۆ منیش بە هەمانشێوەیە، بەڵام من ئەمڕۆ بۆ یانەیەکی دیکە یاریدەکەم و دەبێت ڕێزی هاوڕێکانم بگرم، بردنەوەمان ئاسان نەبوو، زۆر گرنگ بوو، ڕێگە بە تۆڕە کۆمەڵایەتییەکان مەدەن چەواشەتان بکات، ڕێزی نێوان من و ئێوە هەمیشە دەمێنێت، داوای لێبوردن دەکەم، ئاهەنگگێڕانەکەم لەوە زیاتر هیچ مەرامێکی دیکەی لەپشتەوە نەبوو، ڕێز بۆ هەمووتان، خۆشمدەوێن.”