وتەبێژی بەنزینخانەكانی سلێمانی رایدەگەیەنێت، لە ئەمشەوەوە نرخی نەوتی سپی، غاز و گازوەیل لە بەنزینخانەكاندا هەرزانكران و یەك لیتر نەوت 50 دینار و غاز و گازوەیلیش نرخەكەیان 25 دینار كەمكرایەوە.
بەهمەن شێخ قادر، وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای راگەیاند، لەئەمشەوەوە یەك لیتر نەوتی سپی لە 1050 دینارەوە بووە بە 1000 دینار و یەك لیتر غاز لە 675 دینارەوە بوو بە 650 دینار و یەك لیتر گازیش لە 1000 دینارەوە دابەزی بۆ 975 دینار سەرجەم بەنزینخانەكان پێوەی پابەند دەبن و تائێستا هیچ بڕیارێكیش نییە بۆ دابەزاندنی نرخی بەنزین.
