ژمارەی كۆچبەرانی خنكاو كە لە رووداوی ژێرئاوكەوتنی یەختێكی كۆچبەراندا لە كەناراوەكانی ئیتاڵیا بوونە قوربانی، بۆ 63 كەس بەرزبووەوە.
بەپێی نوێترین ئامار، پۆلیسی كەناراوەكانی ئیتاڵیا 81 كۆچبەریان لەو رووداوەدا رزگاركردووە، بەڵام 63 كۆچبەر گیانیان لەدەستداوە كە 14ـیان منداڵن.
لەبارەی ناسنامەی كۆچبەرەكانەوە، شەهرام حەمە نوێنەری دەزگای لوتكە لە ئەوروپا رایگەیاندووە، كۆچبەرەكان هاوڵاتیی وڵاتانی ئێران، پاكستان و ئەفغانستانن و لە كەشێكی سەختەدا هەڵمەتی رزگاركردنی بەشێكیان بەرپاكراوە.
